Хатні музей народнага побыту ў Рэчыцы

09.11.2011 - Новости

Хатні музей народнага побыту ў Рэчыцы

Сабраны самыя разнастайныя старажытныя рэчы, без якіх у мінулым не абыходзілася ніякая работа. Ёсць тут і калаўроты, і маслабойка, і нажніцы для стрыжкі авечак, i ліхтары з таямнічымі надпісамі...

Як паведамляе газета «Навiны Камянеччыны»:

Багатая вёска Рэчыца на незвычайных людзей… Не паспелі мы з’ездзіць у госці да майстрыхі Аграфены Галаўні, як тут жа паведамілі нам аб яшчэ адной незвычайнай жанчыне, што жыве тут, – Надзеі Андраюк. Чым вылучаецца яна сярод іншых? Ды тым, што мае ў сябе дома, на гарышчы, сапраўдны музей народнага побыту!

Сабраны ў ім самыя разнастайныя старажытныя рэчы, без якіх у мінулым не абыходзілася ніякая работа. Ёсць тут і калаўроты, і маслабойка, і цяжкія прасы, у якія клалі гарачыя вуглі, нажніцы для стрыжкі авечак, ліхтары з таямнічымі надпісамі, газоўкі, пры якіх дзеці калісьці вучыліся чытаць, начоўкі і тарка, што дапамагала падчас мыцця адзення, лапата, на якой вымалі хлеб з печы (існавала павер’е, што калі пранесці лапату над калыскай немаўляці, яно вырасце шчаслівае і багатае), форма для сметанковага масла… Усяго не пералічыш!

P1011929

P1011923

Рэчы перайшлі Надзеі Іванаўне ў спадчыну ад бабулі з дзядулем. Яго ільняная кашуля, дарэчы, адшукалася аднойчы ў куфры і займае сёння самае пачэснае месца ў «музеі». Часам новыя экспанаты з’яўляюцца ў выглядзе падарункаў ад знаёмых і сяброў, якія ведаюць пра захапленне Надзеі Андраюк і кожную знаходку абавязкова нясуць у яе гасцінны дом. «З павагай стаўлюся да кожнай старадаўняй рэчы», – гаворыць яна.

Настасся НАРЭЙКА
Фота Міколы ШУМА

Рубрики: Музеи

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах