Помнік Уладзіміру Караткевічу, або Дзірка на памяці

26.11.2011 - Новости

Помнік Уладзіміру Караткевічу, або Дзірка на памяці

З левага боку помнік у гонар Караткевіча ўжо некалькі гадоў псуе вялікая адтуліна. Яе спрабавалі “завуаліраваць” бляхай, але і тая адвальваецца

Як паведамляе сайт "Народныя навіны Віцебска":

26 лістапада ўсе ў Віцебску, каму дарагі Уладзімір Караткевіч, пойдуць з кветкамі да ягонага помніка. Непераўзыдзены майстар беларускай гістарычнай прозы мог бы святкаваць сёння сваё 81-годдзе… І зноў многа каму будзе балюча за пісьменніка, за гэту ганебную “дзірку на ягонай памяці”. З левага боку помнік у гонар Караткевіча ўжо некалькі гадоў псуе вялікая адтуліна. Яе спрабавалі “завуаліраваць” бляхай, але і тая адвальваецца.

Летась, калі адзначалася 80-годдзе з дня нараджэння Караткевіча, многіх прыхільнікаў яго творчасці абурыла, што мясцовыя ўлады не адрамантавалі помнік нават да круглай даты. Не хапіла грошай ці сіл? А хутчэй за ўсё, жадання. А можа, дзірка ў памяці? Сёлета, да неюбілейнай даты, тым больш ніхто не захацеў старацца.

Між іншым, помнік з дзіркай не такі ўжо і стары – Караткевіча ў Віцебску ўвекавечылі ў 1994 годзе. Аўтар скульптуры – Іван Казак.

І яшчэ адзін незразумелы момант. Помнік знаходзіцца ў скверы пад дзіўнай назвай – імя “70-годдзя ўтварэння Віцебскай вобласці”. Такое найменне яму надалі ў 2008 годзе. Сёлета вобласці ўжо 73 гады. А талент пісьменніка, скульптура якога ўпрыгожвае гэты зялёны куточак Віцебска, – вечны. І назва сквера, здаецца, ляжала на паверхні – імя Уладзіміра Караткевіча.

karatkievicz-pomnik

Дзірка ў помніку Уладзіміру Караткевічу. Фота Яны Ільіной

Я люблю тут бываць. Тут, каля помніка слыннаму літаратару, дужа добра думаецца. Караткевіч нібыта шчодра дзеліцца сваёй энергіяй з любым, хто прыходзіць да яго “пагутарыць”. Ці мала горычы ў жыцці творчага чалавека… А тут яна вылечваецца. “Пагаворыш” з Уладзімірам Сямёнавічам – і ўсё дробязнае, мітуслівае, няважнае сыходзіць. Застаецца галоўнае – жыццё, вера, любоў і творчасць. Асвятляюць душу і “званы Віцебска”, гукі якіх даносяцца сюды з Успенскага сабора.

timthumb.php

Веліч – Караткевіч. Нельга забыць. А на гэтай велічы – прыкрая, недарэчная дзірка… Нельга зразумець.

Яна Ільіна

Рубрики: В Фокусе Проблемы

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах