Як паведамляе "
Ягоны выгляд з боку парка Жылібера здзіўляе гараджан: выбітыя вокны, паламаныя рамы.
З адваротнага боку патрапіць у будынак перашкаджае пост вайсковай камендатуры, жаўнеры якой забараняюць нават фатаграфаваць вайсковы аб’ект.
Будынак Медычнай акадэміі – помнік архітэктуры XVIII ст. Яго выяву можна ўбачыць на знакамітых гравюрах Напалеона Орды.
У XIX ст. – гэта палац Чацвярцінскіх. На сёння – найлепш захаваны будынак у старажытным раёне Гарадніца.
Распавядае гродзенскі краязнавец Ігар Лапеха:
– Акадэмія – самы шыкоўны будынак ў комплексе Гарадніца. У свой час меў два купалы, якія вылучалі яго сярод іншых гродзенскіх будынкаў. Ён вельмі гарманічна ўпісваўся ў тэрыторыю парка Жылібера і вельмі добра захаваўся, аднак, зразумела, патрабуе рамонту і чакае новага гаспадара.
На працягу апошніх пяці год улады Гродна не могуць вызначыцца з перадачай гэтага будынка з балансу вайсковай камендатуры на баланс Гродзенскага ўніверсітэта.
Андрэй Мялешка