“Чырвоны Капялюшык” у швейцарскім стылі

23.08.2014 - Новости

“Чырвоны Капялюшык” у швейцарскім стылі

Назіраючы за апошнімі падзеямі ў свеце, можна меркаваць, што турыстычны бізнес цяпер перажывае не лепшыя часы. Вялікую частку адпачываючых страцілі сёлета з-за палітычных і ваенных канфліктаў шматлікія папулярныя курортныя краіны. І гэта не дзіўна: кожны чалавек, збіраючыся адпачыць і наведаць прыгожыя мясціны, павінен быць упэўнены, што дадому ён вернецца жывым і задаволеным ад атрыманых эмоцый, паведамляе газета "Петрыкаускiя навiны".

Што датычыць нашай краіны, то бяспеку і добры адпачынак яна забяспечвае турыстам на 100 працэнтаў. Выгадным у гэтым плане стала і развіццё аграэкатурызму на Петрыкаўшчыне. Гэта можа пацвердзіць прырост аграсядзіб за апошнія гады. На сёння ў раёне прапануе свае паслугі 21 аграсядзіба. Зразумела, не ўсе яе гаспадары яшчэ могуць умела распланаваць адпачынак для сваіх наведвальнікаў. Спіс прапануемых паслуг у нас абмяжоўваецца пражываннем, рыбалкай, паляваннем, наяўнасцю лазні. Але кліентам парой дастаткова вышэйпералічанага. Яны едуць у нашы маляўнічыя мясціны не пазабаўляцца, а проста і з душой адпачыць ад гарадской мітусні.

Напэўна, я не памылюся, калі скажу, што сапраўдным прафесіяналам у прадастаўленні турыстычных паслуг у нас з’яўляецца Сяргей Ходзька. Гэта апантаны, творчы чалавек, які заўсёды ў пошуку ўдасканалення і развіцця. Адным з першых у раёне Сяргей Леанідавіч пачаў развіваць гэты напрамак і, адзначу, ён паспяхова рэалізоўвае ўсе свае планы і ідэі. Сёлета распачынае сваю дзейнасць ужо чацвёрты яго турыстычны аб’ект.

Некалькі лядашчых сядзіб у горадзе на перакрыжаванні вуліц Бумажкова і Муляраўскай і тэрыторыя вакол іх даўно чакалі гаспадарскай рукі. І такі гаспадар знайшоўся. Рашэннем райвыканкама ўчасткі былі перададзены Сяргею Ходзьку. І тут яго фантазія пайшла “гуляць”. Як прызнаецца сам Сяргей Леанідавіч, ён загадзя бачыць канчатковы вынік сваёй працы. У думках малюе праект: стыль, выкарыстанне будаўнічых матэрыялаў, аснашчэнне будучага турыстычнага аб’екта. Вось і новая ся-дзіба з казачнай і загадкавай назвай “Чырвоны Капялюшык” узводзілася, можна сказаць, з размахам. Гаспадар вырашыў тут пабудаваць не проста гасцявыя домікі. Галоўнай “фішкай” стаў невялікі рэстаранчык, разлічаны на 100 пасадачных месцаў з азербайджанскай і ўкраінскай кухняй. У гасцявых доміках спальных месцаў – 40. Ёсць лазня, летнія душавыя, міні-сажалка з рыбай.

Цудоўная месца для святкавання вяселляў, скажу я вам. На другім паверсе рэстарана – арэлі для маладых. Караоке, каляровая музыка, TV на першым паверсе дазволіць правесці мерапрыемства весела і цікава. Запалены камін створыць асаблівую рамантыку. Адзначу, што па жаданні кліента Сяргей Леанідавіч можа прапанаваць забаўляльныя праграмы, экскурсіі, канцэрты. У гэтым плане ён добра супрацоўнічае з работнікамі галіны культуры.

Хочацца адзначыць, што будынкі ўзведзены з густам, дызайн афармлення ўнутры памяшканняў выклікае светлую зайздрасць. Як цудоўна ўсе элементы дапаўняюць стыль, які Сяргей Леанідавіч стварыў сам! Гэта не сакрэт, што многія першапачынальнікі турыстычнага бізнесу, ды і проста гараджане, хто будуе ўласныя сядзібы, звяртаюцца за парадай да Сяргея Ходзькі. Своеасаблівы прыродны дар у гэтага маладога мужчыны па падборы каляровай гамы і аддзелкі памяшканняў. У гэтым можа ўпэўніцца кожны наведвальнік.

Сяргей Леанідавіч з гонарам паведаміў нам пра водгукі сваіх сяброў-галандцаў, якія адпачываюць у яго не першы год. Яны адзначылі, што калі хаця б 5% нашага мясцовага насельніцтва ўжывалі фантазію і працу ў аздабленне сваіх сядзіб, то наш горад выглядаў бы, як населеныя пункты ў Швейцарыі. А што! Прырода наша цудоўная! А вось ляноты ў людзей зашмат. Магчыма, наведаўшы “Чырвоны Капялюшык”, з’явіцца пэўны стымул, каб зрабіць наш горад лепшым.

Інга Гіленка.

Фота Арцёма Гусева

Рубрики: Инфраструктура

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах