Вас чакаюць Паўночны завулак і парадоксы захавання ўнікальнай гістарычнай забудовы, а таксама старажытныя яўрэйскія могілкі з іх гісторыямі, паданнямі і містычнымі выпадкамі.
Мы пабываем там, дзе амаль тысячу год таму адбылася знакамітая бітва на рацэ Нямізе, пабачым месца, дзе стаяла Казанская царква, даведаемся пра жыццё і дзейнасць Ядзвігі Кастравіцкай, паспрабуем разгадаць таямніцы Дома ўраду і пастамента, на якім стаіць помнік Леніну.
А яшчэ нас чакаюць вуліца Падгорная, Марыінская жаночая гімназія, аповед пра мінскія мясціны БНР, дамы Саветаў і пісьменнікаў.