Пяць прычын, чаму турысты з Захаду не паедуць у Беларусь

24.12.2015 - Новости

Пяць прычын, чаму турысты з Захаду не паедуць у Беларусь

Меркаванне беларускага прадпрымальніка, кіраўніка агенцтва адпачынку і забаў Vilnius Relax Кірыла Атаманчыка аб тым, чаму заходнія турысты не паедуць у Беларусь і як можна выправіць існуючы стан рэчаў.  

Кірыл Атаманчык
Кірыл Атаманчык

Заходнія турысты не паедуць у Беларусь, таму што…  

 

Фота www.beresta.by

Існуюць візавыя абмежаванні

Шэнгенскае пагадненне і іншыя палёгкі пры перасячэнні мяжы паміж краінамі ЕС адвучылі заходніх турыстаў клапаціцца пра візавыя фармальнасці, губляць час на чэргі ў пасольствах і на мяжы. Наяўнасць візавага бар’еру паміж ЕС і Беларуссю істотна асаджае наведванне Беларусі заходнімі турыстамі. Якое можа быць выйсце? Спрашчэнне візавага рэжыму аж да звычайнага пашпартнага кантролю на мяжы.

Фота pressphoto.by

…У замежнікаў існуюць асцярогі адносна небяспекі ў Беларусі

Шмат разоў, працуючы з заходнімі турыстамі ў Літве, мы сутыкаліся з тым, што на прапанову «наведаць Беларусь» турысты задавалі пытанне насустрач: а ці бяспечна там? І гэта ўлічваючы той факт, што Беларусь з’яўляецца адным з лідараў па колькасці супрацоўнікаў правааховы на душу насельніцтва. Як бачым, наяўнасць вялікай колькасці людзей у форме ніяк не ўплывае на адчуванне бяспекі. Якое можа быць выйсце? Ствараць пазітыўны імідж бяспекі ў краіне.

 

…Слабы турыстычны сэрвіс

А чаму ён павінен быць моцным, запытаеце вы, калі ў краіне няма звыклых да добрага сэрвісу заходніх турыстаў, а для расіян і ўкраінцаў «і так сыйдзе»? Таму што наяўнасць добрай турыстычнай інфраструктуры (атэлі, кафэ, рэстараны, прапрацаваныя турысцкія маршруты і г.д.), а таксама лоўкостаў, як авія, так і аўтобусных, з’яўляецца неад’емнай часткай добрага адпачынку. Што ж рабіць? Не баяцца канкурэнцыі, інвеставаць у развіццё. У Беларусі шмат таленавітых і ініцыятыўных людзей, якія самастойна могуць усё зрабіць, калі ўлада не будзе замінаць ім. 

Фота odb-office.eu

…Do you speak English? — Што?

Пра Беларусь катастрафічна мала інфармацыі на англійскай мове (ды і на любых іншых мовах). Калі і сустракаецца інфармацыя, то аб тым, што Беларусь — гэта «апошняя дыктатура Еўропы», ці звязаная з выбітнымі асобамі, як, напрыклад, Алексіевіч ці Азаранка, альбо з футбольным клубам «БАТЭ». Калі мы хочам зацікавіць заходніх турыстаў, то трэба быць больш актыўнымі ў прасоўванні сваёй краіны на розных мовах. Да таго ж інфармацыя ў горадзе, турыстычныя даведнікі і іншыя неабходныя для турыстаў даведкі павінны быць на англійскай мове, а персанал як мінімум павінен валодаць яе базавым узроўнем. 

 

Фота pressphoto.bу

…Усё гэта падводзіць нас да хіба што асноўнай праблемы Беларусі, а менавіта да таго, што ў Беларусі няма выразнага пазітыўнага іміджу

Заходнія турысты выдаткавалі б свой час і грошы на візы, змірыліся б з тым, што турыстычны сэрвіс тут «так сабе», прачыталі б што-небудзь пра сітуацыю ў Беларусі і г.д., каб быць больш дасведчанымі, але дзеля чаго? Беларусь — краіна-загадка, ад якой незразумела чаго чакаць. Гэта «белая пляма» на карце Еўропы. Дэструктыўная ізаляцыя краіны ад цывілізаванага свету прывяла да таго, што Беларусь затармазіла развіццё  ўязнога турызму, мяркую, на адно ці два дзесяцігоддзі. І бяда ў тым, што прасвету пакуль што не бачна. Тут нам можна шмат чаму павучыцца ў нашых еўрапейскіх суседзей, якія гэтаксама, як і мы, жылі ў «камуністычнай казцы», але пасля развалу гэтай «казкі» змаглі прапанаваць турыстам з усяго свету сябе як адкрытую кнігу з прыгожымі малюнкамі, як змрочнымі, так і сапраўды цудоўнымі ды маляўнічымі. Беларусь жа толькі мае пераадолець гэты шлях. І чым раней мы гэта асэнсуем, тым лепш.

Даведка:

Кірыл Атаманчык — прадпрымальнік і грамадскі дзеяч. Родам з горада Жлобіна Гомельскай вобласці (Беларусь). Больш за восем гадоў жыве ў Літве. Бакалаўр турызму і рэкрэацыі, магістр культурнай спадчыны Еўрапейскага гуманітарнага ўніверсітэта. Кіраўнік агенцтва адпачынку і забаў Vilnius Relax.

novychas.by

Рубрики: Въездной Туризм

Страны: Беларусь


Комментарии

Аватар

24.12.2015 14:34
navimann
ответить

основное - визы и транспорт.

Аватар

24.12.2015 15:23
Cифон
ответить

Нет

ГЛАВНОЕ- здесь нечего делать

Аватар

24.12.2015 16:02
Vladimir
ответить

Совершенно неправильно рассуждать о въездном туризме в отрыве от внутреннего. В Литве, в которой проживает автор статьи соотношение местных туристов и иностранных равно 80/20. Это при том, что после вступления в ЕС число западноевропейцев выросло. Правда уменьшилось число СНГовцев. Для Беларуси главное направление увеличения числа отдыхающих - это вовлечение в оборот природных ресурсов. Попробуйте летом попасть на берег любого лесного озера! Это при полном отсутствии коммунальных удобств. А деньги уже берут. Лесхозы, исполкомы, администрации заказников. Не предоставляя по сути ничего. Провести в лес электричество, воду и устроить канализацию не стоит заоблачных денег. Заниматься этим можно. И тогда к своим туристам подтянутся и иностранные.

Аватар

24.12.2015 16:02
Бидон
ответить

Шестую запишите

http://news.tut.by/society/478226.html

Аватар

24.12.2015 17:55
араты
ответить

Згодны з Уладзімірам. Я развіваю гастрамічны агратурызм. Пазбіраць і пакаштаваць смачных памідор да мяне прыязжаюць у асноўным грамадзяне нашай краіны, але ёсць таксама жыхары Еўрасаюзу і СНГ. Дарэчы мой агратурызм можна паглядзець праз пашукавік "Миоры помидоры".

Аватар

02.01.2016 14:03
сергей
ответить

тут недавно несколько турков,которые летели через россию из швеции к нам,оштрафовали в беларуси за утерю российской миграционной катрточки каждого на 5 миллионов,это-ад.мы даже за россию стараемся,правда,денги не жмут,конечно,турки,которые к нам приезжают,уже давно говорят,что с нашим дебилизмом они лучше еще раз в киев слетают.........

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах