У Браслаўскіх азёр таксама з'явіўся брэнд: «Браслаўскія азёры: у адпачынку ёсць імя!»

12.12.2012 - Презентации

У Браслаўскіх азёр таксама з'явіўся брэнд: «Браслаўскія азёры: у адпачынку ёсць імя!»

Лагатып уключае ў сябе маляўнічую эмблему і слоган

Пазнаваемае ў Беларусі і далёка за яе межамі словазлучэнне «Браслаўскія азёры» даўно патрабавала стварэння аўтэнтычнага лагатыпу, паведамляе «Браслаўская звязда».

У сувязі з гэтым райвыканкамам быў аб’яўлены конкурс творчых работ па стварэнні эмблемы і слогана Браслаўшчыны як турыстычнага рэгіёну. Як адзначаюць арганізатары, жыхары раёна досыць актыўна ўдзельнічалі ў конкурсе, але ніводная з дасланых работ не адпавядала ў поўнай меры пастаўленым мэтам. Трэба сказаць, што ў аргкамітэце адзначылі цікавыя дызайнерскія ідэі, адлюстраваныя ў эскізах навучэнак Дрысвятскай сярэдняй школы Яўгеніі Давідсон, Замошскай школы-сада Таццяны Старажэнкі, гімназіі Яўгеніі Спірыдонавай і Хрысціны Хоцька. Сярод дарослых удзельнікаў конкурсу арганізатары адзначылі работы Вольгі Беразень, Аляксандра Даўгаполава, Антона Паўловіча. Пажаданні аргкамітэта лепш за ўсіх удалося ўлічыць і адлюстраваць графічна педагогу дадатковай адукацыі раённага цэнтра дзяцей і моладзі Міхаілу Ставіцкаму. У выніку атрымалася работа, створаная агульнымі намаганнямі многіх людзей.

Лагатып уключае ў сябе маляўнічую эмблему і слоган.  Трэба адзначыць, што ў ёй прысутнічаюць два адценні зялёнага колеру, якія сімвалізуюць раслінны свет Браслаўшчыны, сіні і блакітны – ваду і неба, жоўты – сонца і пясок. Выгнутыя лініі ўвасабляюць сабой азёрныя хвалі і ўзгорысты рэльеф нашых мясцін. Слоган гучыць як «Браслаўскія азёры: у адпачынку ёсць імя» і заклікае асацыіраваць прыемнае баўленне часу з Браслаўшчынай.

1

Плануецца, што выкарыстанне лагатыпу дазволіць зрабіць раён больш запамінальным для адпачываючых і павысіць яго канкурэнтаздольнасць на рынку турыстычных паслуг.


Рубрики: Презентации

Страны: Беларусь


Комментарии отсутствуют

Новый комментарий

Имя:
:
Для редактирования комментария осталось 10 минут

Новости по теме:

Турнавигатор

Вся история белорусского турбизнеса в газете «Туризм и отдых»   |   Активный отдых   |   Калькулятор отдыха   |   Горные лыжи   |   Агротуризм   |   Путеводитель   |   Экзотические направления   |   Путешествия по Беларуси   |   Самые оригинальные бани на белорусских агроусадьбах