Выстава «Пад Віфлеемскай зоркай» адкрыецца 20 снежня. На ёй, акрамя прадметаў з музейных калекцый, з’явяцца прадметы з манастыра Раства Багародзіцы, паведамляе «.
Выстава зробіць акцэнт на выявах Віфлеемскай зоркі.
Навуковы супрацоўнік Галіна Ханко:
– Манастыр перадаў нам на выставу вельмі цікавыя вырабы з перламутру ў тэхніцы скразной разьбы. Гэта зоркі, зробленыя ў Віфлееме, сувеніры, вырабленыя ад пачатку XX стагоддзя да нашых дзён: кампазіцыі, абразкі, абразы, шкатулка.
Перламутр – сімвал Дзевы Марыі. Айцы Царквы параўноўваюць Дзеву Марыю з ракавінай – як ракавіна нараджае перліну, так Марыя – Сына Божага.
Для скразной разьбы выкарыстоўваюцца толькі марскія ракавіны цёплых мораў, апрацоўка вельмі складаная. Гэтым займаюцца толькі ў Віфлееме і на Афоне.
З фондаў музея на выставе будуць паштоўкі канца XIX – XX стагоддзяў з Заходняй Еўропы (Польшча, Англія, Чэхія), прысвечаныя Раству, Евангеллі, гравюры.
Калядная выстава ў Музеі гісторыі рэлігіі адкрыецца ў 16 гадзін 20 снежня.
Кася Крот