На конкурс лепшых сацыяльных плакатаў прадстаўлены працы з відавочнымі памылкамі. Аднак Мінгарвыканкам не адхіліў іх. Больш за тое, за гэтыя варыянты зараз прапануюць прагаласаваць!

На сайце Мінгарвыканкама пачалося галасаванне па выбары лепшых сацыяльных плакатаў, якія неўзабаве з'явяцца на вуліцах сталіцы, паведамляе «Народная воля».  

Палажэннем аб правядзенні конкурсу да работ прад'яўляліся наступныя патрабаванні: яны павінны адлюстроўваць сацыяльныя праблемы і магчымыя шляхі іх вырашэння, не павінны супярэчыць патрабаванням Закона Рэспублікі Беларусь «Аб рэкламе». Рэкамендавалася пазбягаць ужывання выяўленчых штампаў (перакрэсленых цыгарэт, шпрыцаў, бутэлек, малюнкі смерці і г.д.).

Тэмы, па якіх будуць выбірацца лепшыя плакаты, наступныя: «Беларусь! Я ганаруся табой і шаную»,    «Мой любімы горад – Мінск»,«Здароўе»,«Сям'я»,«Экалогія»,«Эканомія і беражлівасць», «Бяспека».

Цікава, што армія і міліцыя зусім не натхнілі мастакоў: у раздзеле «Бяспека» лепшыя працы проста няма з чаго выбіраць. У цэлым узровень паняццяў на конкурс плакатаў вельмі розны.

Некаторыя нават сведчаць аб няведанні аўтарамі беларускай мовы.Так, прадстаўлены плакат з лозунгамі «Я кахаю табе Мінск». Насамрэч гэта фраза павінна гучаць як «Я люблю цябе, Мінск». Хутчэй за ўсё, аўтар плаката скарыстаўся няякасным пераклачыкам у інтэрнеце.

Але многія работы выкананы не без пачуцця гумару. Часам – чорнага...