Гродзенскі літаратурны музей Максіма Багдановіча мае першыя вынікі ўдзелу ў міжнародным інвестыцыйным праекце музеяў Латвіі, Літвы і Беларусі, які называюць «Віртуальным музеем». Дырэктар музея Святлана Рапецкая кажа, што з беларускага боку неўзабаве з’явіцца падрабязнае апісанне 500 прадметаў, якія зможам пабачыць праз інтэрнэт:
– Музей ужо набыў ноўтбукі. Адрамантавалі піяніна, і на ім ужо можна граць. Мы нават плануем, што нейкія імпрэзы будуць ладзіцца з музычным суправаджэннем. Блішэйшым часам будзе ўсталявана акустычная сістэма.
Праект, які падтрымлівае Еўрасаюз, працягнецца да канца наступнага года, паведамляе. У выніку ў музеі з’явіцца інфакіёск з магчымасцю далучэння да віртуальнага падарожжа па музеях, якія ўдзельнічаюць у праекце. А таксама пройдзе рамонт аддзела «Гродзеншчына літаратурная».
Якуб Сушчынскі
1 день 
11 ночей 
