На Зэльвенскім вадасховішчы стартаваў турнір па зімовай рыбалцы

На Зэльвенскім вадасховішчы пачаліся спаборніцтвы па зімовай рыбалцы першага этапу чэмпіянату Рэспублікі Беларусь па спартыўнай лоўлі рыбы на зімовую блешню. Спаборніцтвы арганізуе Беларускае аб'яднанне «Федэрацыя рыбнага спорту», паведамляе Беларускае Радыё Рацыя.

Па словах адказнага за спаборніцтвы Віталя Трыказенка, заяўлена сем каманд, па чатыры чалавекі ў кожнай. На мерапрыемства сабраліся рыбакі-спартсмены з Мінска, Гродна, Жодзіна, Маладзечна і іншых.

Адкрыццё спаборніцтваў запланавана каля кавярні «Прыдарожны сэрвіс» у Зэльве. У нядзелю будуць падведзены іх вынікі.