Шмат людзей з Беларусі, Расіі, Латвіі прыехалі ў Браслаў, каб наведаць фэст сярэднявечнай культуры «Меч Брачыслава», паведамляе
Ён праходзіць чацвёрты год запар на Замкавай гары і налічвае ўсё больш удзельнікаў і гледачоў. На фэсце было прадстаўлена каля 10 рыцарскіх клубаў з Беларусі, Расіі, Латвіі.
Як кажа краязнаўца, адзін з пачынальнікаў аднаўлення сярэднявечнай культуры на Браслаўшчыне Кастусь Шыдлоўскі, ужо здаўна закладвалася ідэя стварэння падобнага фэсту.
– Гадоў 15 таму мы пачалі займацца такімі справамі – проста ажыўляць гісторыю па сваіх кірунках. Праводзілі летнікі для дзяцей, калі гэта яшчэ было мажліва. Затым сталі выязджаць на фестывалі – не толькі ў Беларусі, калі гэта таксама было папулярна, але і ў краіны Балтыі, Польшчу.
Рыцарскія клубы паказалі, на што яны здатныя ў баях і розных конкурсах, напрыклад, здабыванні агню старажытным спосабам. Таксама былі прадстаўлены розныя віды сярэднявечнага рамяства. Госці маглі набыць ганчарныя, скураныя вырабы, біжутэрыю з металу, пасмакаваць стравы той эпохі.