Для сядзібы абрана традыцыйная палеская хата ў Лунінецкім раёне, сяло Ракітна. Маладзёны імкнуцца стварыць сваеасаблівы цэнтр для прыцягнення ў рэгіёне творчых людзей, дзе б яны маглі падзяліцца сваімі думкамі і ідэямі, паведамляе .
Ініцыятар Ганна Марза кажа, што па завяршэнні рамонтных прац гэта будзе рэальнае месца альтэрнатыўнай культуры і беларускага асяродку:
– Гэта будзе месца ўнікальнае для моладзі, дзе можна будзе сябе рэалізаваць, дзе можна паказаць, хто ты такі, дзе можна паглядзець на цікавых людзей, дзе можна з імі абменьвацца думкамі, дзе таксама будуць жыць беларуская мова і беларуская культура, проста месца цікавых падзей.
Пакуль арганізатары шукаюць партнёраў, валанцёры дапамагаюць у афармленні. Плануецца, што свае дзверы для першых гасцей «Вясёлая хатка» павінна адчыніць сёлета.
