«Нёманская вясна» адкрыла воднікам турыстычны сезон (+фота)

Дата публикации: Май 28, 2013

Нягледзячы на дрэннае надвор’е, 24–26 мая на Аўгустоўскім канале адбыўся штогадовы Кубак Беларусі па турысцка-прыкладным шматбор’і «Нёманская вясна»

Нягледзячы на дрэннае надвор’е, 24–26 мая на Аўгустоўскім канале адбыўся штогадовы кубак Беларусі па турысцка-прыкладным шматбор’і «Нёманская вясна».

У гэтым годзе спаборніцтвы адкрылі сезон у апошнім месяцы вясны, хоць традыцыйным пачаткам сезона лічыцца красавік, паведамляе «Твой стыль».

Спаборнічаюць удзельнікі не малодшыя за 16 гадоў, а ў класе катамаранаў дапускаецца ўдзел аднаго ўдзельніка з 14 гадоў.

Спаборніцтвы праходзяць у класе байдарак і катамаранаў на доўгай і кароткай дыстанцыях у камандным і асабіста-камандных складах.

Турысты выступаюць на разборных судах з мяккай абалонкай, каяках і байдарках у дзвюх групах.

Першую групу ўтвараюць зборныя каманды абласцей і Мінска, другую – каманды гарадоў, раёнаў, навучальных устаноў, спартыўных і турыстычных клубаў.

Пераможцы ўзнагароджваюцца каштоўнымі прызамі, медалямі і дыпломамі Міністэрства спорту і турызму.

Арганізатарамі спаборніцтваў з’яўляюцца Міністэрства спорту і турызму, Рэспубліканскі турысцка-спартыўны саюз і ўпраўленне фізічнай культуры, спорту і турызму Гродзенскага аблвыканкама.