30 ліпеня ў цудоўны летні вечар пісьменнік Уладзімір Арлоў сустрэўся са сваімі чытачамі з моладзевага летніка, размешчанага на выспе маляўнічага возера Сялява ў Крупскім раёне, паведамляе .
Былі прэзентаваныя нядаўна выдадзеныя кнігі “Пакуль ляціць страла” і “Свецяцца вокны, ды нікога за імі”. Адразу гаворка зайшла пра 150-годдзе нацыянальна-вызваленчае паўстанне Кастуся Каліноўскага, якое адзначаецца сёлета, а таксама пра яго правадыра.
Можна сказаць, што Уладзімір Арлоў не толькі адказаў на шматлікія пытанні, але і правёў вясёлую віктарыну з пытаннямі з далёкай і нядаўняй гісторыі.
Пяцёра пераможцаў атрымалі прызы ад кампаніі “Будзьма беларусамі!”, а на прыканцы сустрэчы прагучала эсэ “Незалежнасць-гэта…” .
Да арганізацыі сустрэчы спрычыніўся спадар Андрэй Аляхновіч і Генадзь Шэпелеў.
Імпрэза адбывалася ў межах кампаніі “Будзьма беларусамі!”.
8 дней 
7 ночей 
