Дарога, выбраная лёсам” – такая назва не выпадковая. Бо прадпрыемству “Скарбніца” лёсам было наканавана займацца вывучэннем, адраджэннем і прапагандай беларускіх народных традыцый у галіне і матэрыяльнай культуры.
І вось ужо 38 год яно ідзе сваёй унікальнай дарогай: штогод збірае ў экспедыцыях па розных рэгіёнах краіны этнаграфічныя матэрыялы, аналізуе інфармацыю і, дзякуючы наяўнасці вытворчай базы, выпускае вырабы, у традыцыях беларускіх народных рамёстваў.
На выставе прадстаўленыя наступныя групы экспанатаў:
• рэканструкцыі народных строяў;
• стылізаваныя касцюмы;
• традыцыйныя тэкстыльныя вырабы, створаныя на ручных ткацкіх станках;
• саламяная пластыка;
• пано, выкананыя ў розных тэхніках;
• сувенірная і падарункавая прадукцыя.
Адкрыццё выставы напярэдадні Міжнароднага жаночага дня 8 Сакавіка сімвалічна, бо на ёй прадстаўлены вырабы, выкананыя жаночымі рукамі, а самі прадстаўленыя рамёства, з'яўляюцца спрадвечна жаночым праяўленнем народнай творчасці. Праца, звязаная з апрацоўкай ільна і воўныі, вырабам тканін і саміх строяў традыцыйна пачыналася ўвосень, працягвалася ўсю зіму і раннюю вясну.
Гэта час творчасці, стварэння вобраза свайго жыцця на будучы год, час ткання свайго лёсу, бо ў народнай культуры працэс стварэння тканіны суадносіцца з актам сатварэння свету і сімвалізуе жыццёвы шлях і лёс чалавека.
На адкрыцці выставы адбудзецца паказ калекцыі адзення пры падтрымцы "Агецтва мадэляў "Студыя Тамара" і ў суправаджэнні фальклорнага калектыву Беларускага дзяржаўнага ўніверсітэта культуры і мастацтваў "Этна-суполка".
1 день 
7 ночей 
