Першыя асобы польскіх турыстычных фірм пазнаёміліся з Нясвіжам

16 верасня ў рамках азнаямляльнага тура, арганізаванага Нацыянальным агенцтвам па турызму, у музеі-запаведніку «Нясвіж» сустракалі кіраўнікоў турыстычных фірм Польшчы.

Калегі з суседняй дзяржавы прайшлі па экскурсійных маршрутах: наведалі палацавы ансамбль, касцёл Божага Цела, будынак ратушы і прагуляліся па маляўнічых парках.

Акрамя гэтага, удзельнікаў тура цікавілі аб'екты інфраструктуры музея-запаведніка, сярод якіх – месцы харчавання і пражывання для гасцей горада.