Музэй Варшаўскага паўстаньня карыстаецца папулярнасьцю сярод гасьцей Эўра-2012

Футбалісты й заўзятары, якія прыехалі на матчы ў Варшаву, масава наведваюць Музэй варшаўскага паўстаньня, сярод іх шмат ірляндцаў і швэдаў.

Сярод наведвальнікаў ёсьць асобы, якія й раней наведвалі музэй і цяпер прывялі сваіх сяброў, паведамляе Polskie Radio S.A.

Варта падкрэсьліць, што музэй загадзя паклапаціўся пра распаўсюд інфармацыі аб сваёй дзейнасьці. Буклеты зь інфармацыяй аб дзейнасьці музэя зьявіліся ў зоне заўзятараў і пунктах турыстычнай інфармацыі.