28 кастрычніка а 19.00 АПБ праводзіць лекцыю ў Галерэі Ў (Мінск, вул. Кастрычніцкая, 19). АПБ раскажа, з чаго пачаць назіранне за птушкамі, як убачыць дробных птушак у густых кустах і чаму птушкі могуць прынесці шмат радасці ў жыццё любога чалавека. Бёрдвочынг – гэта нескладана! Не верыш – прыходзь і пераканайся.
Лектар – кіраўнік аддзела развіцця АПБ Карына Салавей.
Пра што вы даведаецеся на лекцыі:
Што такое бёрдвочынг?
Бёрдвочары: людзі ці птушкі?
Колькі птушак "прапісана" ў Мінску?
Самыя "птушыныя" месцы сталіцы
Як за сезон можна стаць юным «арнітолагам»?
Чаму назіраць за птушкамі – гэта хобі будучыні?
Лекцыя адбудзецца ў межах выставы Аліны Блюміс “Узоры класіфікацыі: Крысціян, Мухамед, Лі”. Аліна Блюміс нарадзілася ў Мінску, вучылася ў Нью-Ёрку, шырока выстаўлялася ў ЗША і Еўропе. Гэта першая персанальная выстава мастачкі на яе радзіме.
Чакаем вас 28.10 19:00 у івент-зале!
Уваход па білетах на выставу: дарослыя – 5 byn; студэнты – 3 byn; па клубных картах, школьнікі, пенсіянеры, людзі з інвалюднасцю – вольны ўваход.