Людміла ДРЫК

Пакуль ідуць бясконцыя спрэчкі аб вобразе Беларусі, выдавецтва «Рыфтур» прапануе ўласнае меркаванне на гэты конт. Вось яна, наша Беларусь «а-ля «Рыфтур»: прыгожая і пяшчотная дзяўчынка-беларусачка ў нацыянальнай даматканай сукенцы і з даверлівым позіркам вялікіх вачэй. Падабаецца?

Выйшлі ў свет новыя паштоўкі выдавецтва «Рыфтур». На паштоўках (фота Сяргея Плыткевіча, дызайн Алены Жданоўскай) – выявы беларускіх гарадоў: Мінска, Віцебска і Полацка, блакіт Браслаўскіх азёр, узгаданая ўжо дзяўчынка-беларусачка і сімвал Беларусі – магутны зубр.

Усе новыя паштоўкі маюць подпісы на беларускай і англійскай мовах. Іх можна набыць у кнігарнях Беларусі і выдавецтве «Рыфтур» па адрасе: Мінск, праспект Пераможцаў, 19а.