Студэнты на беразе Сажа стварылі пясковую станцыю метро, паведамляе .
Будучыя гомельскія архітэктары ўжо шосты год увасабляюць з пяску гарадскія легенды і міфы. Сёлета яны пабудавалі пясковы электрацягнік, які выязджае з падземнага тунэлю.
Метро – адзін з сучасных міфаў Гомеля. Легенда паўстала каля 1984 года, пасля пабудовы падземкі ў Мінску. Тады сярод жыхароў Гомеля распаўсюдзіліся чуткі, што метро можа з'явіцца і ў іхнім горадзе.
Падкрэслівалася, што для гэтага трэба толькі, каб колькасць насельніцтва вырасла да 1 мільёна. Аварыя на Чарнобылі, аднак, перашкодзіла планам.
Метро з гарадской надзеі ператварылася ў гомельскую легенду.
Гамяльчане заўважаюць, што ў горадзе адчуваецца нават пэўны комплекс адсутнасці метро. Каб пазбавіцца ад гэтага комплексу, гомельская моладзь вырашыла жартаўлівым чынам пабудаваць метро з пяску.
Студэнты хацелі «прышпільна» пазмагацца з пачуццём «недасталічнасці» гамяльчан.
Будаўніцтва пясковага метро мусіла падкрэсліць, што Гомель – непаўторны ды асаблівы горад, які варта любіць і шанаваць нават без метро.
8 дней 
7 ночей 
