На Піншчыне аднавілі музей Якуба Коласа (фота)

Літаратурна-краязнаўчы музей аднавілі ў школе, у якой з 1904 па 1906 год Якуб Колас працаваў настаўнікам, паведамляе «Еўрарадыё».

З дапамогай спонсараў у музеі зрабілі еўрарамонт, дах накрылі металадахоўкай, таму звонку ён мала нагадвае арыгінальную старадаўнюю школу.

Аднак прадстаўленая экспазіцыя даволі цікавая. Асабліва ёй былі задаволеныя мясцовыя жыхары, якія на фотаздымках пазнавалі сваіх бацькоў і дзядоў, што вучыліся ў класіка беларускай літаратуры.