7 лістапада 2012 г. адбыўся «круглы стол» прадстаўнікоў Беларускага добраахвотнага таварыства аховы помнікаў гісторыі і культуры і краязнаўцаў з Ваўкавышчыны, на якім былі абмеркаваны праблемы і перспектывы сумеснай працы па годнай сустрэчы 150-х угодак паўстання 1863-64 гг.
З боку Таварыства на «круглы стол» прыехалі старшыня аб’яднання Антон Астаповіч, кіраўнік Мінскага абласнога савета Таварыства, загадчык аддзела Нацыянальнага гістарычнага аддзела Беларусі Зміцер Яцкевіч, старшыня вайскова-пошукавага клуба ВІККРУ-Мінск Сяргей Бяспанскі і дацэнт кафедры музеялогіі, этналогіі і гісторыі мастацтваў Вольга Гарбачова.
Пасля абмеркавання накапіўшыхся пытанняў, якое праходзіла ў Ваўкавыску, адбылося супольнае наведванне парэшткаў фальварку Якушоўка (месца нараджэння Кастуся Каліноўскага) і Свіслачы, дзе аддадзена даніна памяці нашым героям – Рамуальду Траўгуту і братам Каліноўскім. На могілках была наведана магіла Віктара Каліноўскага.
Галоўны вынік сустрэчы – каардынацыя намаганняў па даследаванні гісторыі паўстання на Ваўкавышчыне, супольная праца па падрыхтоўцы прапаноў на наданне статуса гісторыка-культурнай каштоўнасці мясцінам, звязаным з паўстаннем, а ў першую чаргу месцу, дзе стаяў фальварак Якушоўка.
Мерапрыемства адбылося ў межах кампаніі «Будзьма беларусамі», паведамляе
Падмуркі сядзібнага дому ў Якушоўцы
Якушоўка. Мемарыяльны камень
Удзельнікі «круглага стала» на радзіме К. Каліноўскага
Помнік Р. Траўгуту ў Свіслачы
Помнік К. Каліноўскаму ў Свіслачы
Магіла В. Каліноўскага ў Свіслачы
8 дней 
7 ночей 
