Нямецкае пасольства зладзіла калядны кірмаш (+фота)

8 снежня па ініцыятыве пасольства ФРГ у Мінскім палацы моладзі ўпершыню адбыўся дабрачынны калядны кірмаш, паведамляе Радыё «Свабода».

Наведвальнікам прапаноўвалася каляднае печыва, гарачыя напоі, сувеніры і кнігі. Таксама можна было паўдзельнічаць у латарэі і выйграць прызы. Дзеці з ахвотай самі выраблялі ёлачныя ўпрыгожанні.

«Выручка ад кірмашу будзе накіравана на дабрачынныя мэты ў Беларусі», — паведамілі ў пасольстве.

Алесь Дашчынскі