«Мы вяртаем тое, чаго пазбаўляе падарожжа!» DoubleTree by Hilton Minsk прапануе рэкламную прадукцыю на беларускай мове

Дата публикации: Август 20, 2015

Атэль сусветнага брэнда Hilton – DoubleTree by Hilton Minsk, – адкрыццё якога ў беларускай сталіцы плануецца напачатку наступнага года, будзе рабіць рэкламную прадукцыю на беларускай мове. Здаецца, дагэтуль падобных прыкладаў у нашай атэльнай сферы не было. Ініцыятыва «Хілтана» выглядае вельмі прыцягальна.

Вось, напрыклад, адзін з рэкламных тэкстаў, падрыхтаваных супрацоўнікамі атэля:

«У DoubleTree by Hilton мы вернем у вашу вандроўку пяшчоту чалавечага дотыку. Усё пачынаецца з цёплага прыёму з шакаладным печывам падчас рэгістрацыі. Далей наш клопат будзе суправаджаць вас ва ўсім — ад раскошнага камфорту падчас сну на нашых ложках Sweet Dreams by DoubleTreeTM да нашага высокакваліфікаванага персанала, які заўсёды імкнецца загадзя адчуць і задаволіць усе вашы жаданні дзеля таго, каб знаходжанне ў нашым атэлі адпавядала самым смелым чаканням. Зазірніце да нас! У нас заўсёды ёсць печыва з вашым імем».

Зразумела, што атэль будзе мець рэкламную прадукцыю таксама і на іншых мовах.