Свята прайшло ў фармаце традыцыйнага кірмаша, на якім былі прадстаўлены рамёствы ад розных умелых майстроў: упрыгожванні, мыла, вырабы з воўны, тканыя паясы і, канешне, розныя рэчы ў выглядзе галоўнага сімвала вясны – птушкі. Нават дробны дождж не перашкодзіў вясенему настрою. Прыемна тое, што з кожным годам усё больш дзяўчат і юнакоў апранаюцца ў традыцыйныя сукенкі і белыя кашулі, упрыгожваюць рознакаляровымі элементамі адзенне, удзельнічаюць у народных танцах і гульнях, прыцягваюць да культуры дзяцей.
Асабіста мяне такія мерапрыемствы як гуканне вясны вабяць тым, што ёсць магчымасць сустрэцца са знаёмымі людзмі, твары якіх ты мог не бачыць з мінулага года і нават больш. Адчуваецца, што кожны мае дачыненне да рэканструкцыі старажытнай традыцыі. І бачна павага маладога пакалення да нашых продкаў, якія насамрэч ведалі, як па-сапраўднаму адпачываць.
1 день 
3 ночи 
