Як паведамляе Polskie Radio S.A:
Вядомы беларускі пісьменнік і публіцыст Анатоль Бутэвіч выдаў новую кніжку «Таямніцы Мірскага замка».
На мінулым тыдні ён прэзентаваў яе ў Варшаве.
Мірскі замак – гэта ўсім вядомы помнік беларускага дойлідства. Нядаўна адрэстаўраваны аб'ект адчыніў свае дзверы для наведвальнікаў. Паводле слоў нашага суразмоўцы Анатоля Бутэвіча, муры замка хаваюць у сабе розныя і надзвычай цікавыя гісторыі, што не на адну кніжку хопіць.
Напрыклад, зазначае наш суразмоўца, Мірскі замак апісаў у сваім творы «Пан Тадэвуш» Адам Міцкевіч. Апроч таго, у Мірскім замку жылі і тварылі людзі з розных куткоў зямлі, нават з такіх аддаленых, як Цэйлон.
Анатоль Бутэвіч сваім выданнем заахвочвае наведвальнікаў прыехаць у Мір і самім пераканацца на месцы ў харастве замка ды багацці ягонай гісторыі.
5 дней 
4 ночи 
