Як паведамляе партал vilnia-by.com:
На карце беларускай Вільні з’явіўся новы адрас. Ён зацікавіць не толькі, і нават не столькі, аматараў беларускай гісторыі, колькі гурманаў — у Вільні адкрыўся беларускі рэстаран Guda.
Якія вы ведаеце стравы беларускай кухні? Мачанка, верашчака, дранікі… Ну хіба што дранікі знаёмыя ўсім беларусам, астатнія ж гастранамічныя прыхільнасці нашых продкаў для многіх — terra incognita.
Адкрыццё рэстарана — падзея доўгачаканая. «Ідэя адкрыцця ў Вільні беларускай карчмы, кавярні ці рэстарана не новая – яна свідравала нам галовы яшчэ гадоў 20–25 таму», — сказаў у час кароткай афіцыйнай часткі адзін з пачынальнікаў адраджэння беларускага культурнага і грамадскага жыцця ў паваеннай Літве Валянцін Стэх.
Ці стане рэстаран яшчэ аднім асяродкам беларускай культуры, «у якім можна было б не толькі смачна паесці, адведаць тых жа дранікаў ці верашчакі, але і паслухаць добрую музыку, пачытаць вершы ці
паспяваць», пакажа час. Сёння ж бясспрэчна адно — у Вільні ўпершыню прадстаўлена беларуская кухня.
Калі ж беларуская кухня вам не да спадобы альбо проста не хочацца мачанкі пад гарэлачку, можна замовіць віна з Melone e Prosciutto — у меню рэстарана прадстаўлена не толькі беларуская, але і еўрапейская кухня.
Наведаць рэстаран, які знаходзіцца па адрасе: вул. Pylimo, g. 27, усе жадаючыя змогуць ужо ў пачатку чэрвеня. Пакуль жа Vilnia-By прапаноўвае вам фотарэпартаж з вечарыны з нагоды адкрыцця рэстарана.
![](http://vilnia-by.com/wp-content/uploads/2012/05/1_resize.jpg)
Кароткая ўрачыстая частка вялася на дзвюх мовах – беларускай і літоўскай
![](http://vilnia-by.com/wp-content/uploads/2012/05/2.jpg)
Адзін з пачынальнікаў адраджэння беларускага культурнага і грамадскага жыцця ў паваеннай Літве, былы старшыня Беларускага клуба «Сябрына» ў Вільні Валянцін Стэх пажадаў рэстарану, каб у ім заўсёды панаваў беларускі дух
![](http://vilnia-by.com/wp-content/uploads/2012/05/3_resize.jpg)
Дырэктар рэстарана Guda Эгле Кебурэне
![](http://vilnia-by.com/wp-content/uploads/2012/05/4_resize.jpg)
Шэф-повар рэстарана Guda
![](http://vilnia-by.com/wp-content/uploads/2012/05/5_resize.jpg)
Дырэктар Віленскай сярэдняй школы імя Францішка Скарыны Галіна Сівалава (злева) і дырэктар цэнтра беларускай мовы, літаратуры і этнакультуры Літоўскага ўніверсітэта эдукалогіі Лілія Плыгаўка
![](http://vilnia-by.com/wp-content/uploads/2012/05/6_resize.jpg)
Ангеліна Якшцене
![](http://vilnia-by.com/wp-content/uploads/2012/05/7.jpg)
Былы вучань Віленскай беларускай гімназіі Яраслаў Станкевіч (злева) і сакратар рэдакцыі беларускай газеты «Рунь» у Вільні Павел Саўчанка.
![](http://vilnia-by.com/wp-content/uploads/2012/05/8_resize.jpg)
Аўтар і вядучы беларускай перадачы «Віленскі сшытак» на літоўскім тэлебачанні Сяржук Гаўрыленка з жонкай Ірынай