У Музеі сучаснага выяўленчага мастацтва адкрылася выстава графікі Лукаша Левандоўскага, паведамляе . Творца гаварыў па-беларуску пра тое, што палюбіў Беларусь і нават ажаніўся з беларускай дзяўчынай. У сваіх жа працах ён паказвае сваю родную мясціну – вёску Букавец у Польшчы:
– Я ж там вырас. Але самае галоўнае – гэта месца, дзе жыве шмат людзей, якія апынуліся там не па ўласным рашэнні. Мая сям’я з сённяшняй Украіны, ёсць шмат людзей з сённяшняй Беларусі. Проста мяшянка такая. З гэтага вынікае шмат добрых рэчаў для самаго Букаўца.
Выпускнік Акадэміі мастацтва ў Гданьску Лукаш Левандоўскі звяртаецца да рэалістычных спосабаў адлюстравання наваколля. Ягоныя працы можна яшчэ пабачыць 18 красавіка ў Беларускай дзяржаўнай акадэміі мастацтваў. Частка з іх прысвечаная паўстанню 1863 года.
Яна Запольская
Фота аўтара
1 день 
4 ночи 
