У Нацыянальным гістарычным музеі рыхтуецца выстава, прымеркаваная да пачатку Вялікай Айчыннай вайны

У Нацыянальным гістарычным музеі Рэспублікі Беларусь рыхтуецца выстава, прымеркаваная да трагічнай даты 22 чэрвеня 1941 года – пачатку Вялікай Айчыннай вайны.

Экспазіцыю, якая разгорнецца ў галерэі музея, складуць музейныя прадметы з калекцый дакументаў, фотаматэрыялаў, перыядычных выданняў, графікі, плакатаў.

Адзін з раздзелаў выставы распавядзе пра мірнае жыццё савецкіх людзей напярэдадні вайны, наступны – пра падзеі, звязаныя з пачаткам трагедыі.

Выстава пазнаёміць з плакатамі знакамітых савецкіх мастакоў А. Какарэкіна, І.Таідзэ, Кукрыніксаў і іншых, малюнкамі  Генрыха Ціхановіча, створанымі будучым мастаком у Мінску ў 1941–1944 гадах у дзіцячым узросце, шматлікімі дакументальнымі фотаздымкамі.